Welcome
Login / Register

Pissu Hedena sanda


  • Pissu Hedena sanda 26/12/2010

     

     

    අමුතුවෙන් මොකටද?

    ’නිහාල්, අපේ ගෙදරට කැසට් එකක් ගමු කියල මං ඔයාට කිව්වා. ඔයා ඒකට පස්ස ගැහැව්වා. ටෙලිවිෂන් එකක් ගමු කියල මං පෙරැත්ත කළා. ඔයා ඒක කළෙත් නැහැ. මොකක්ද අනේ මේකෙ තේරුම.’

    අනෝමා තම සැමියා කාර්යාලයේ වැඩ අවසන් වී නිවෙසට පැමිණි වහාම ආඩපාලි කියන්නට වූවාය.

    ’හරි ඉතින් ඒ දෙකෙන්ම කෙරෙන දේවල් ඔයාගෙන් කෙරෙනවනෙ ළමයො.’ නිහාල් කීවේ කට කොනකට සිනාවක් නඟමිනි.


    එහෙ එන්ඩ නම් එපා

    ’අමිතා මට ඔයාව කසාද බඳින්ඩ බැරි වුණොත් මම වනගත වෙලා තපස් රකිනවා.’

    තම සම්බÁධයට පෙම්වතියගේ නිවෙසින් නැඟුණු විරෝධය පිළිබඳව කථා කරමින් සිටියදී කරුණාසේන, අමිතාට කීවේ ඇගේ සුරත තදින් මිරිකමිනි. ’අනේ ඇත්තද බබෝ. එහෙම නං ඔයා හිමාල අඩවියෙ හිටියත් මම දානෙත් අරගෙන ඔයා බලන්ඩ එනවා.’ අමිතා කීවේ තම ආදරය දෑසින් ද පාමිනි.

    ’අනේ මේ එහෙම කරන්ඩ නං එපා. මගෙ සීලෙ කඩන්නෙ නැතුව, ඔයා මට මගෙ පාඩුවේ ඉන්ඩ, ඉඩ දෙන්ඩ, හොඳද’ කරූ සැනෙකින් කීවේය.


    මොනවටද?

    ගැබ්බරව සිටි ගුරුවරියක වූ චමරි හට කුසෙන් හෑල්ලු වීම සඳහා ඉතිරිව තිබුණේ හරියටම මාස දෙකකි. ඇය ඉදිරියට නෙරා ගිය බඩත් දරාගෙන දිගටම පාසල් ආවේ විභාගයට ඉතිරිව ඇත්තේ මාස දෙකක කාලයක් පමණක් නිසා මෙන් ම ඉන් පෙර සම්පූර්ණ කළ යුතු පාඩම් රැසක් ඉතිරිව පැවති බැවිනි.

    චමරි තරමක අසීරුවෙන් පන්ති කාමරයට ඇතුළු වී ඉගැන්වීම අරඹන්නට සූදානම් වෙද්දී පන්තියේ දඟකාර සිසුවෙකු වූ ලක්‍ෂමන් ඉදිරියට පැමිණ මෙසේ ඇසුවේය.

    ’ටීචර් තව මාස දෙකයි නේද තියෙන්නේ?’

    ’මොනවට ද?’ චමරි ඇසුවේ හිතේ මෝදු වෙමින් ආ කෝපයෙනි.

    ’න්... නැහැ... විභාගෙට.’ ලකී හිස කසමින් යටැසින් ගුරුතුමියගේ දරු ගැබ දෙස බලා පිළිතුරු දුන්නේය.

     

    මම තවම හරියට තීරණයක් අරගෙන නෑ.

    ඡයා රූ-ප්‍රදීප් නිශාන්ත



    (ඇය අප මුලින්ම හඳුනාගනු ලැබුවේ නර්තන ශිල්පිණියක ලෙසය. පසුව රංගන ශිල්පිණියක ලෙස සිය කලා ජීවිතය වඩාත් ස්ථාවර මට්ටමකට ගෙන ඒමට ඇය සමත්විය.රිදී තාරකා,සුදු හංසි, සුබා යන සිනමා නිර්මාණ සඳහාත් මෑතකදී ඇය සිය රංගන දායකත්වය ලබා දී තිබුණි. මෙවර ආලින්දය හැඩ කරන ඇය මුතු තරංගාය.)



    *සම්පූර්ණ නම

    මාකුඹුරගේ දෝන මුතු තරංගා ශ්‍රී නිලුපුලි පීරිස්.

    *උපන්දිනය

    අප්‍රේල් 30

    පළමු වෘත්තිය

    නිරූපණ ක්ෂේත්‍රය

    *අධ්‍යාපනය ලැබූ පාසල්

    රෝමානු කතෝලික මිශ්‍ර පාසල, කඩවත

    ශුද්ධ වූ පවුලේ කන්‍යාරාමය, කඩවත

    පවුලේ සාමාජිකයින්

    අම්මා, තාත්තා, නංගි, මම *කොහොමද මේ දවස්වල ජීවිතේ?

    පසුගිය කාලේ තරමක් කාර්යයබහුල වෙලා හිටියේ. මේ දවස් වල නම් ටිකක් විවේකීව ඉන්නවා.

    *රංගනය පැත්තෙන් මේ දවස් වල ඔබ තරමක් නිහඬයි නේද?‍

    මේ දවස් වල මම නිර්මාණ තරමක් තෝරා බේරාගෙනයි රඟපාන්නේ. ඉස්සර වගේ එක දිගටම රඟපාන්නේ නෑ. ඒ කාලේ රංගනය නිසා හුඟක් කාර්යයබහුල වෙලා හිටියේ. දැන්නම් මම ගොඩක් තෝරගෙන වැඩ කරන්නේ. ඒ නිසයි මම ටෙලි නාට්‍ය වල දකින්න නොලැබුණේ. නමුත් මම රඟපාපු නාට්‍ය 07 ක් පමණ ඉදිරියේදී එන්න තියෙනවා.

    *ඒ වගේ තෝර බේරාගෙන රංගනයේ යෙදෙන්න විශේෂ හේතුවක් තියෙනවද?

    එහෙම විශේෂ හේතුවක් නම් නෑ. කාට වුනත් ඕනම දෙයක් ටික කාලයක් කරද්දි එපා වෙනවා. ඒ දේවල් ඔළුවට ලොකු බරක් වෙනවා. මට වගේම මගේ පවුලේ අයටත්. මුලදී නම් හිතුවේ දිගටම නාට්‍ය එන එක හොඳයි කියලා. දැන් හිතෙනවා තෝරා බේරාගෙන රංගනයේ යෙදුණා නම් මගේ දක්ෂතා මීට වඩා ඉදිරිපත් කරන්න තිබුණා කියලා. කරපු හැම නාට්‍යයක්ම වගේ දක්ෂතාවය පෙන්වන්න ලැබුණ ඒවා නෙමෙ‍යි. තව ඉදිරියට එන්න තියෙන නිර්මාණ වල මගේ දක්ෂතා දැකගන්න පුළුවන්. තෝරා බේරාගෙන කරන එක මගේ සෞඛ්‍යටත් හොඳයි. ඒකයි මම මේ දවස් වල ඒ වගේ සීමාවක් යොදාගෙන තියෙන්නේ.

    *ඔබ එයින් අදහස් කරන සීමාව මොකක්ද?

    ගොඩදෙනෙක් හිතන්නේ මට ගැළපෙන්නේ ආදර චරිත කියලා. නමුත් මම හිතනවා නපුරු චරිත එහෙමත් මට කරන්න පුළුවන් ඇති කියලා. තරමක මහළු චරිතයක්. මම කැමතියි ප්‍රේමවන්තියකගේ තැනින් මිදෙන්න. එවැනි චරිත කිහිපයක් ලැබුණා. ඒවා විකාශය වුනොත් ඉදිරියේදී දැකගන්න පුළුවන්.

    *ඒ හැරුණු විට ඔබ යම් නිර්මාණයක් තෝරාගැනීමේදී යම් සීමාවක් තිබෙනවද?

    ටෙලි නාට්‍ය වලදී නම් කරන්න පුළුවන් සීමාවක් තියෙනවා. ඇතැම් අවස්ථා වලදී මම මගේ ඇඳුම් ගැන ගොඩක් සැලකිලිමත් වෙනවා. මම දැනගෙන ඉන්න ඕන මට ගැළපෙන්නේ මොකක්ද කියලා. චිත්‍රපට වලදී නම් සීමාවක් නෑ. නමුත් මුතු තරංගාගේ සීමාවක් තියෙනවා. එතනින් එහාට මම මොන දේ ආවත් බාරගන්නේ නෑ. ටෙලි නාට්‍ය වත් චිත්‍රපටවත් බාරගන්නේ නෑ.

    *විලාසිතා සම්බන්ධව ඔබේ අනන්‍යතාවය මොනවගේද?

    මම පුංචි කාලේ ඉඳන්ම ඇඳුම් ගැන විශාල උනන්දුවක් දැක්වුවා. යන හැම තැනටම ටිකක් විශේෂ විදිහට යන්න උත්සාහ කරනවා. මම මුලින්ම තෝරාගත්තෙත් නිරූපණ ක්ෂේත්‍රයයි. ඉතින් මම විශේෂ තැනක් දෙනවා විලාසිතා වලට. නමුත් මට ගැළපෙනවා නම් විතරයි. ගැළපෙන දේ තෝරගෙන ගැළපෙන තැනට යන්න මම පරිස්සම් වෙනවා.

    *ක්ෂේත්‍රයේ තරගකාරිත්වය ඔබට බලපාන්නේ කොහොමද?

    මට නාට්‍ය නොලැබුණත් මම දුක්වෙන්නේ නෑ. අපිටත් ආධුනික කාලයක් තිබුණා. මම ප්‍රවීණයි කියනවා නෙමෙයි. නමුත් මම කෙටි කාලයක් හෝ ක්ෂේත්‍රය තුළ රැඳී සිටි නිසා මම කැමතියි අලුතින් එන අය දකින්න. ආධුනිකයින් ඉදිරියට ආ යුතුයි. කාලයක් තියෙනවා අපිටත් පිටුපසට යන්න. අපි නිර්මාණ තෝරාගත්තට කමක් නෑ. ඒත්, අලුතින් එන අයට ඊර්ෂ්‍යා නොකර. වර්තමානයේ හුඟක් ආධුනික ශිල්පීන් ඉන්නවා. මම ප්‍රවීණයින් සමගත් රංගනයේ යෙදිලා තියෙනවා. ඔවුන්ගෙන් මම උපදෙස් ලබාගන්නවා. ඒ නිසා මේ වනතෙක් මට එහෙම අභියෝගයක් ඇතිවෙලා නෑ.

    *නිළිකම කියන්නේ වටිනාකමින් අඩු වෘත්තියක් කියන මතය ඔබ පිළිගන්නවද?

    වටිනාකමින් අඩුවෙන්න විදිහක් නෑ. නිළි වෘත්තිය ගෞරවනීය වෘත්තියක්. ඇතැම් පිරිස් නිසා ඒ ගෞරවනීය බව නැතිවෙනවා. ඒ නිසා වෙන්න ඇති ඔය මතය ගොඩනැඟී තියෙන්නේ. අපිට තියෙන ගෞරවය ඇතැම් තැන්වලදී නොලැබී යන අවස්ථා තිබෙනවා. හේතුව එක්කෙනෙක් දෙදෙනෙක් කරන වැරදි. ඒ තත්ත්වය මුල් කාලයේදී මට ලොකුවට බලපෑවා. වටිනාකම කියන දේ නැතිකරලා ගිය මටත් යම් යම් අත්දැකීම් වලට මුහුණදෙන්න සිද්ධවුණා. නමුත් මම මොළේ පාවිච්චි කළ නිසා ඒ ගොඩක් දේවල් වලින් ගැලවුණා. කලාව කියන්නේ පූජනීය දෙයක්.

    *කටකතා සම්බන්ධව ඔබේ අත්දැකීම් මොනවගේද?

    මම දන්නේ නෑ. මටත් කටකතා එන්න ඇති. මම හිතන්නේ මට කතාවක් හැදෙනවා නම් එහෙම වෙන්නේ මගේ ජනප්‍රියත්වය නිසයි. කටකතා කියන්නේ මාව ජනප්‍රිය කරවන්න කවුරු හෝ කරන දෙයක්. ඒ පුද්ගලයා අදහස් කරන්නේ ඒ තුළින් මට ලැජ්ජාවක් ඇතිකරන්න නම් ඒකෙන් වෙන්නේ මට කැළලක් ඇතිවීම නෙමෙයි. මාව තවත් ජනප්‍රියවීමයි.

    *ආදරය ගැන ටිකක් කතාකරමු?

    ආදරය කියන්නේ තමන්ව ජීවත් කරවන දෙයක්. මම බලාපොරොත්තු වෙන්නේ මම ආදරය කරනවට වඩා මට ආදරය කරන කෙනෙක්. ඒ වගේම මාව කවදාවත් දාල නොයන කෙනෙක්. ඒ වගේම ආදරය රැ‍‍ඳෙන්න එක දෙයයි කරන්න ඕන. එයාගේ වැරදි මොනවද කියලා දැනගෙන මම ජීවත්වෙන එකයි. ඒ වැරදි පුළුවන් නම් හදන්න උත්සාහ ගන්නවා. නැත්නම් එයාගේ වැරදි මොනවද කියලා තමන් තේරුම් අරගෙන ජීවත්වීම තමයි ආදරයේ රඳාපැවැත්ම.

    *ඒ වගේ කෙනෙක් මේ වෙද්දි ඔ‍බට හමුවෙලා තියෙනවද?‍

    මම ඒ ගැන ලබන අවුරෙද්දේ තමයි මාධ්‍යයට හෙළිකරන්නේ. මම තවම හරියට තීරණයක් අරගෙන නෑ. ඒ නිසා මව්පියන් එක්කත් එකතු වෙලා තීරණයක් අරන් හැමදෙයක්ම හරි ගියාට පස්සේ ලබන අවුරුද්දේ ඒ ගැන මාධ්‍යයට කියන්නම්.

    *නිළියක් නොවුණා නම් ඔබේ ජීවිතය මොන වගේ ක්ෂේත්‍රයකට යොමුවෙයිද?

    මම හිතන්නේ ගායිකාවක් වෙයි කියලා. පුංචි කාලේ ඉඳන් මගේ ආසාවක් තිබුණා ගායන ක්ෂේත්‍රයට. මගේ තාත්තා මාව නිතරම උනන්දු කළේ ගායනයට. මෑතකදී මගේ ගුරු පියාණන් මරණයට පත්වුණා. ඒ‍ නිසා මම තරමක් ගායනයෙන් ටිකක් ඈත්වුණා. නිළියක් නොවුණා නම් ගායිකාවක් වෙන්න තිබුණා.

    *වෘත්තීය ජීවිතය තුළ ඔබ වඩාත්ම සංවේදී වුණු අවස්ථාවක් මතකද?

    ගොඩක් අවස්ථා තියෙනවා. මම ඕනවට වඩා සංවේදී කෙනෙක්. එක් නාට්‍යයක ජවනිකාවකදී මට දරුවෙක් ලැබෙන්න ඉන්නවා. මම රහසේ පැන ඇවිත් ඉඳිද්දි. මගේ තාත්තා මාව එක්ක යන්න එනවා. එහිදී අධ්‍යක්ෂවරයා විටින් විට ඇවිත් මගේ දෙබස වෙනස් කළා. මම තරමක් අපහසුතාවයට පත්වුණා. ඒ දර්ශනය පස්සේ නිවැරදිව රූගත වුණා. නමුත් මට පස්සේ හොඳටම ඇඬුණා. දර්ශනය ඉවර වෙලත් මම ඇඬුවා. ගොඩක් වෙලා යනකන් මගේ ඇඬිල්ල නැවතුණේ නෑ.

    *දැන් ඔබ ඉන්න තත්ත්වය ගැන ඔබ සෑහීමට පත්වෙනවද?

    පෞද්ගලික ජීවිතයේ මම සැහීමට පත්වෙන්නේ මම කාගෙන්වත් දෙයක් උදුරගෙන නෑ. මම අමාරුවෙන් ලබාගත් දෙයක් තමයි ඉතිරිකරගෙන තියෙන්නේ. මට ජනතා සම්මානය විතරයි තියෙන්නේ. වෙනත් සම්මාන ලැබිලා නෑ. මට ක්ෂේත්‍රයෙන් ලැබුණේ එච්චරයි.

    *ඔබ නිර්මාණයකට අයකරන මිල තීරණය කරන්නේ කොහොමද?

    චරිතයකට කියලා මගේ මිල තීරණය කිරීමක් නෑ. මගේ එක ගානක් තියෙනවා. ඒ මිල අනුවයි මම තීරණය කරන්නේ. නමුත් හොඳ නිර්මාණයක් නම් ඒ මිල අඩුකරන්න පුළුවන්. අඩුවට කරන්න නම් ඕන තරම් නාට්‍ය තියෙනවා. ඒත් ඒකෙන් වැඩක් නෑ. ඕනවට වඩා මිනිස්සුන්ට දකින්න ලැබෙනවා කියන්නෙත් කිසි වටිනාකමක් නෑ.

    HARD TALK *ජ්‍යොතිෂය විශ්වාස කරනවද?

    ඔව්.

    *කිසියම් දේශපාලන පක්ෂයක් වෙනුවෙන් මැතිවරණ ප්‍රචාරණ කටයුතු සඳහා දායකවෙන්න කියලා ආරාධනයක් ලැබුණොත් එම ආරාධනය බාරගන්නවද?

    කවදාවත්ම නෑ.

    *ඔබ හිතන විදිහට තිරයේ පෙම්වතා ලෙස ඔබට වඩාත්ම ගැළපෙන රංගන ශිල්පියෙක් නම් කරන්න

    ධනංජය සිරිවර්ධන.

    *වඩාත් සාර්ථක යෝජිත විවාහයද? ආදර විවාහයද?

    ආදර විවාහය.

    *වෘත්තීය රංගන ශිල්පිණියක් මුල්තැන දිය යුත්තේ තමන්ගේ වෘත්තීය ජීවිතයටද? පෞද්ගලික ජීවිතයටද?

    පෞද්ගලික ජීවිතයට

     

    එදා දැනුණු බය කවදාවත් අමතක වෙන්නේ නෑ..

    එදා දැනුණු බය කවදාවත් අමතක වෙන්නේ නෑ..

    (ජනප්‍රිය ටෙලි නාට්‍ය හා සිනමා රංගන ශිල්පිණියක, නිවේදිකාවක, නර්තන ශිල්පිණියක මෙන්ම හඬ කැවීම් ශිල්පිණියක ලෙස සිය කලා හැකියාවන් රසික ඔබ වෙත ඉදිරිපත් කරන කලා ශිල්පිණියක් මෙවර අප හා ආලින්දයට එකතුවේ. සොඳුරු පියාපත්, ආදරයට වෙස් බැන්දා වැනි ටෙලි නාට්‍ය සඳහාත්"ජූලියා"චිත්‍රපටය සඳහාත් මෑතකදී ඇය සිය රංගන දායකත්වය ලබාදුන් ඇය නදීෂා හේමමාලිය.)



    *සම්පූර්ණ නම-

    අරස මරක්කල නදීෂා හේමමාලි

    *උපන්දිනය-

    1985. 08. 10-

    *පදිංචිය-

    පැලවත්ත, බත්තරමුල්ල

    *අධ්‍යාපනය ලැබූ පාසල්-

    ප්‍රජාපතී ගෝතමී බාලිකා විද්‍යාලය, අම්බලන්ගොඩ

    ගුරුකුල මහා විද්‍යාලය, කැලණිය

    ධර්මාශෝක විද්‍යාලය, කැලණිය

    *නදීශා, ඉදිරියේදී කලා කටයුතු වලට ඔබ දායකවෙන්න බලාපොරොත්තු වෙන්නේ කොහොමද?

    සුපුරුදු පරිදි මේ දිනවලත් ඉතාමත්ම කාර්යයබහුලයි. ඉන්දීය තෙළිගු චිත්‍රපටයේ රූගත කිරීම් කටයුතු අවසන් වුණා. ඒ හින්දා දැන් ටිකක් හිත නිදහස්. ඒ ඇරෙන්න මම මගේ නිෂ්පාදන කටයුත්තක් කරන්න කටයුතු සූදානම් කරගෙන යනවා. ඒ වගේම ව්‍යාපාර කටයුතුත් සිදුකරගෙන යනවා. මේ දවස් වල ඒ වැඩ කටයුතු තමයි සිදුකරගෙන යන්නේ.

    *ආරංචියක් ලැබුණා අපිට මෑතකදී ඔබ ව්‍යාපාර කටයුත්තකටත් අත ගැහුවා කියලා?‍

    දැනට මම"රීල් ඇන්ඩ් ට්‍රැක්"ලෙස ආයතනයක් පවත්වාගෙන යනවා. ඊට අමතරව මෑතකදී මම තවත් මගේ වෙළඳ සහයකයෙකු සමග එක්ව වෙළඳ ප්‍රචාරණ කටයුතු වෙනුවෙන් ආයතනයක් පටන්ගත්තා.මේ දිනවල යෙදෙන ව්‍යාපාර කටයුතු ඒවා තමයි.

    *එතකොට ඔබේ බලාපොරොත්තුව ඉදිරියේදී කලා කටයුතු වලින් ඈත්වීමද?

    දැන් යම් කාලයක් මම මේ ක්ෂේත්‍රයේ වැඩකරනවා. මම හිතනවා කාන්තාවන් විදිහට අපි ජීවිතයට එකතු කළ ගත යුතු දෙයක් තමයි කළමනාකරණය කියන්නේ. එය නිවැරදිව පුරුදු පුහුණු කරගත යුතු දෙයක්. මම මේ වනවිට සාර්ථකව කාලය කළමනාකරණය කරගෙන තිබෙනවා. ඒ නිසා මම කලා කටයුතු හෝ ව්‍යාපාර කටයුතු වලින් ඈත්වීමක් මම දකින්නේ නෑ.

    *නදීශා, අපට දැනගන්න ලැබුණා ඔබේ ආදරය හිමිකරගත්ත වාසනාවන්තයෙක් ඉන්නවා කියලා. ඒ ගැනත් අපි කතාකරමු?

    වාසනාවන්තයෙක් ඉන්නවා. ඒ ඇති. ඔහු ගැන වැඩි විස්තර කියන්න අවශ්‍ය වෙන්නේ නෑ.

    *ඔහු ඔබේ ජීවිතයට ළංවුණේ කොහොමද?

    එය ප්‍රශ්නාර්ථ ලකුණක්

    *ඔහු ඔබේ ප්‍රථම ප්‍රේමයද?

    නැහැ, කොහෙත්ම නෑ

    * නදීශා, ඔබ තීරණය කරලා තියෙනවද විවාහයෙන් පස්සේ කලා කටයුතු වලින් ඈත්වෙන්න?

    මම වෘත්තීයමය කලා ශිල්පිණියක් නෙවෙයි. ඉතින් මම හිතන්නේ මට ඒ ප්‍රශ්නය අදාළ වෙන එකක් නෑ කියලා. මම කලා කටයුතු වල නිරතවෙන්නේ විනෝදාංශයක් විදිහටයි. ඉතින් මම හිතන්නේ නෑ මම විවාහ වුණත් කලා කටයුතු වලින් ඉවත්වෙන්න පුළුවන් කියලා. කලාව මම ගෞරව කරන, ආදරය කරන දෙයක්. ඉතින් මම කලාවෙන් ඉවත්වෙන්න අදහසක් නෑ. මම තෝරගෙන ඉන්න කෙනා කොහොමවෙයිද දන්නේ නෑ. නමුත් මම හිතන්නේ හොඳ තේරුම් ගැනීමක් තියෙන කෙනෙක් සමගයි මම විවාහ වෙනවා නම් විවාහ වෙන්නේ. ඉතින්, මම හිතන්නේ නෑ එය මට බාධාවක් වෙයි කියලා.

    *ඔබ යම් කලා කටයුත්තකට දායකවෙද්දී ඔබේ පෙම්වතා සමග කතාබහ කරලා ඒ සම්බන්ධව තීරණයකට එළඹෙනවද?

    මේ තාක් දුරට මම හැමදෙයක්ම කළේ මගේ තනි කැමැත්තට. මම ස්වාධීනව කටයුතු කරන කෙනෙක්. මම හැමදෙයක්ම කරන්න කලින් හොඳට හිතලා බලනවා. මට අපහසුතාවයක් ඇතිවන අවස්ථා වලදී මම මව්පියන්ගෙන්, ඥාතීන්ගෙන් වගේම මගේ මිතුරු මිතුරියන්ගෙන් උපකාර ගන්නවා. ඊට අමතරව මම බොහෝදුරට ස්වාධීනව ක්‍රියාකරන කෙනෙක්. මම ලැබෙන නිර්මාණ හැමදෙයක්ම බාරගන්නේ නෑ. තෝර බේරගෙන වැඩකරන කෙනෙක්. මම මටම වාරණයක් ඇතිකරගෙන තියෙනවා.

    *ඔබ මේ වෙද්දි ලබලා තියෙන ජනප්‍රියත්වය ගැන ඔබට මොනවගේ හැඟීමක් ද තියෙන්නේ?

    ජනප්‍රියත්වය මම ඉතාමත් සතුටින් බාරගන්න දෙයක්. නමුත් සමහර අවස්ථාවලදී එය කරදරයක් වෙන අවස්ථා තියෙනවා. පෞද්ගලිකත්වයක් නෑ කියලා හිතෙන අවස්ථාවන් තියෙනවා. නමුත් මම කුඩා අවධියේ කලා ශිල්පිණියක් වෙන්න ආසාවක් ඇතිවුණේ ජනප්‍රිය තරු දැකලා. ඉතින් මම හිතනවා ජනප්‍රියත්වය ආභරණයක්. ඒ වගේම ආශිර්වාදයක්.

    *නදීශා, කටකතා සම්බන්ධව ඔබට මුහුණදෙන්න සිදුවෙලා තියෙන්නේ මොන වගේ අත්දැකීම් වලටද?

    කටකතා හොඳවෙන්නත් පුළුවන්. නරක වෙන ඒවත් තියෙනවා. මම හිතන විදිහට. . . මම ජනප්‍රිය පුද්ගලයෙක්. ඉතින් මිනිස්සු කතාකරන්න කැමතියි. මම විශ්වාස කරන දෙයක් තමයි ඵල ඇති රුකට ගල් ගහනවා කියන එක. ඉතින් හොඳ හෝ නරක හෝ මම ඒ හැමදෙයක්ම මට හොඳක් විදිහටයි පිළිගන්නේ.

    *මේ මාතෘකාව ගැනම කතාකරද්දී අපේ සමාජයේ පැතිරිලා තියෙන මතයක් තමයි කිසියම් කලාකරුවෙක් ලබන ජනප්‍රියත්වයත් එක්ක කලාකරුවන්ට සාර්ථක පෞද්ගලික ජීවිතයක් ගත කිරීම අපහසුය කියන මතය. ඔබ එකඟවෙනවද ඒ මතයට?‍

    නිවැරදිව කාලය කළමනාකරණය කළොත්, තමන් කරන දේ ගැන නිවැරදි අවබෝධයක් ඇතිව කළොත් මම හිතන්නේ ඔය ප්‍රශ්නයට මුහුණදෙන්න සිද්ධවෙන්නේ නෑ.

    *කලා ශිල්පිණියක් ඔබ විසින් පනවගත්ත සීමා හෝ කොන්දේසි තියෙනවද?

    මම පිටපතක් හොඳින් කියවලා ඒ චරිතය හොඳින් වටහාගන්නවා. ඒ වගේම අධ්‍යක්ෂවරයා ඇතුළු කාර්යය මණ්ඩලය සමග ඒ ගැන කතාකරනවා. ඇඳුම් පැළඳුම් ඇතුළු අනෙක් හැමදෙයක්ම චරිතයට අනුකූලව හදාගන්නවා. මම කවදාවත් නදීෂා හේමමාලි ඒ චරිතයට ගෙනියන්න සූදානම් කෙනෙක් නෙමේ. චරිතය ඒ ආකාරයෙන්ම නිරූපණය කරන්න උත්සාය කරන කෙනෙක් මම. මම හැමවෙලාවකම හිතන්නේ චරිතය ගැන. අපේ රටේ සංස්කෘතියත් එක්ක ගොඩනැඟුණු සීමාවන් තිබෙනවා. එතනින් එහාට යන්න අමාරුයි. මම ලංකාවේ හැදුණු කෙනෙක්. ඒ නිසා ඒ අවස්ථා වලදී තැනට සුදුසු විදිහට ක්‍රියා කරනවා.

    *කලා ශිල්පිණියක් විදිහට මේ දක්වා ඔබ පැමිණි ගමන ගැන ඒ වගේම ඒ හරහා ඔබ ලබාගත් ජයග්‍රහණ ගැන ඔබට සෑහීමට පත්වෙන්න පුළුවන්ද?

    මට ලැබුණ සම්මාන ගැන කතාකරද්දි සෑහීමට පත්වෙන්න බෑ. ඒ වගේම මගේ පෞද්ගලික මතය අනුව ලංකාවේ තිබෙන සම්මාන උළෙලවල් ගැන මම සෑහීමට පත්වෙන්නෙ නෑ. අපිට ලැබෙන ලොකුම සම්මානය, ලොකුම තෘප්තිමත් බව අපේ ප්‍රේක්ෂකයින්. ප්‍රේක්ෂකයින් අපිව ආදරයෙන් පිළිගන්නවා නම් අපිට ආදරයෙන් සලකනවා නම් ඒක තමයි ලොකුම දායාදය. මට පැමිණි ගමනේ මට ලැබුණු ප්‍රේක්ෂක ආදරය ගැන මම ඉතාම තෘප්තිමත් වෙනවා. ඔවුන්ගේ ප්‍රතිචාර මම ඉතාමත් ආදරෙන් පිළිගන්නවා.

    *නදීශා, රංගන ශිල්පිණියක් විදිහට ඔබ විවිධ චරිත වලට පණ පොවලා තිබෙනවා. සාමාන්‍ය ජීවිතයේදී නදීශා හේමමාලි හඳුන්වාදෙන්න පුළුවන් මොන විදිහටද?

    පොළවේ පය ගහලා ඉන්න, අවංක කෙනෙක්.

    *ඔබ කැමරාව ඉදිරිපිට මේ දක්වා ඉදිරිපත් කළ රංගනයන් අතරින් ඔබට වඩාත්ම අපහසු වුණු එහෙමත් නැත්නම් ඔබට ප්‍රබල අභියෝගයක් වුණු දර්ශනයක් ගැන මතක් කරන්න පුළුවන්ද?

    මට කරන හැම චරිතයක්ම අභියෝගයක්. මම මුලින්ම ටෙලි නාට්‍යය වල රඟපාන කාලේ"කටු කුරුල්ලෝ"ටෙලි නාට්‍යයේ ගැබිණි මවකගේ චරිතයක් නිරූපණය කරන්න ලැබුණා. මම ඇත්තටම එතකොට අපහසුතාවයට පත්වුණා. ඒ මම පාසල් යන කාලේ. මම ලැජ්ජාවට පත්වුණා. ඒ චරිතය කරන්න මට ගොඩක් අපහසු වුණා. පසුව අධ්‍යක්ෂවරයා මට ඒ සම්බන්ධව කාරුණිකව උපදෙස් ලබාදුන්නා. එදා මට දැනුණු බය මට කවදාවත් අමතක වෙන්නේ නෑ. මම එදා මගේ දින පොතේ ලිව්වා මම නැවත රඟපාන්නේ නෑ කියලා.

    HARD TALK

    *යම් නිර්මාණයක් බාරගැනීමේදී ඔබ මුලින්ම සැලකිලිමත්වෙන්නේ ඔබට ලැබෙන මුදල ගැනද එහෙම නැත්නම් අදාළ නිර්මාණයේ නිර්මාණාත්මක අගය ගැනද?

    නිර්මාණාත්මක අගය ගැන

    *ඔබ ඉතාමත් කැමැත්තෙන් බාරගත් කිසියම් නිර්මාණයක් ප්‍රතික්ෂේප කරන්න කියලා ඔබේ පෙම්වතා /සැමියා ඉල්ලීමක් කළොත් ඔබ ඒ ඉල්ලීම පිළිගන්නවද?

    ආදරයෙන් කිව්වොත් පිළිගන්නවා.

    *කලාකරුවන් දේශපාලනයට පිවිසීම නිවැරදියි කියලා ඔබ හිතනවද?

    ඔව්.

    *ඔබ හිතන විදිහට වඩාත් සාර්ථක ආදර විවාහයද? යෝජිත විවාහයද?

    ආදර විවාහය.

    *වෘත්තීය රංගන ශිල්පිණියක් යම් නිර්මාණයකට සම්බන්ධ වීමේදී විවිධ සංස්කෘතික සීමා ගැන සැලකිලිමත් විය යුතුයි කියලා ඔබ හිතනවද?

    ඔව්

    *රොෂාන් රණවක, රොෂාන් පිලපිටිය, රොෂාන් රවීන්ද්‍ර යන තිදෙනාගෙන් තිරයේ පෙම්වතා ලෙස ඔබට වඩාත් ගැළපෙන්නේ කවුද?

    රොෂාන් රවීන්ද්‍ර

     

     

     

     

    ලක් කාරයා

    ‘හරි පුදුම කතාවක් නෙ අනේ මේ පත්තරේ තියෙන්නෙ. එක බිරිඳක් එයාගෙ ස්වාමි පුරුෂයා එක්ක අවුරුදු තිහක් තිස්සෙ එකම වචනයක් වත් කතා කළේ නෑ කියල තියෙන්නෙ.’ චම්පා කියවමින් සිටි පුවත්පතෙන් හිස මෑත් කොට හේමන්ත දෙස බලා කීවාය.

    ‘ෂ: ඒ මිනිහා හරි ලක් කාරයෙක් නෙ.’ හේමන්ත සිනාසෙමින් කීවේය.

    මගෙ හොඳට නෙ

    ‘අනේ ශි‍්‍රයානි, මට දරාගන්ඩ බැරි මගෙ කාරෙකටම යට වෙලා ඔයාගෙ මහත්තයා මැරුණට. මං තුන් හිතකින් වත් හිතල කරපු දෙයක් නෙමෙයි ශි‍්‍රයානි ඒක.’ අනෝමා, ශි‍්‍රයානි වැළඳ ගනිමින් කීවේ දෑසින් කඳුළු උතුරුවමිනි.

    ‘මම ඔයා එක්ක තරහා නෑ අනෝමා. මම දන්නවා ඔයා හැම දෙයක් ම කරන්නෙ මගෙ යහපතට කියල.’ ශ්‍රීයානි, අනෝමාගේ පිට අතගාමින් කීවාය.

    නෑදෑයෝ

    වැඩ අවසන් ව නිවෙසට පැමිණි සාජන් මහත්තයා තම බිරිඳට මෙසේ කීවේය.

    ‘ඒකයැ වසන්තා, මගෙ නෑයො කට්ටියක් මේ නිවාඩුවට අපේ ගෙදර එනවා කියලා මට ටෙලිෆෝන් කරලා කිව්වනෙ.’

    ‘මළ කරදරයක් නෙ. බඩුමුට්ටුවල ගිනි ගණන්වල හැටියට මේක නෑයන්ට සලකන්ඩ පුළුවන් කාලයක්යැ. ඉතින් ඔයා ඒ ගොල්ලන්ට කිව්වේ නැද්ද මේ නිවාඩුවට අපි ගෙදර නෑ කියල.’ වසන්තා පරල වී කියවන්නට ගත්තා ය.

    ‘මං කිව්වා ළමයෝ. යන්තං ඒ කරදරේ එතනින් ඉවර වුණා.’ සාජන් මහතා කීවේ කපටි සිනාවක් මුවඟට නංවමිනි.

    ‘හරි ෂෝක්. යන්තං බේරුණා. කවුද අනේ ඔය කිව්ව ඔයාගෙ නෑයො කට්ටිය?’

    ‘වෙන කවුද වසන්තා, ඔයාගෙ අම්මයි, තාත්තයි, අයියලා මල්ලිලා ටිකයි, අක්කල නංගිලා ටිකයි මිසක්.’

    මූලික සුදුසුකම්

    ටින් මාළු ඇසිරීමේ කර්මාන්ත ශාලාවකට සේවකයන් බඳවා ගැනීම සඳහා සම්මුඛ පරීක්ෂණයක් පැවැත්විණ. සම්මුඛ පරීක්ෂණයේදී එක් අයදුම්කරුවකු ඇමතූ කර්මාන්ත ශාලාවේ ප්‍රධානියා මෙසේ ඇසීය.

    ‘ටින් මාළු ඇසිරීමේ කර්මාන්ත ශාලාවකට සේවයට බඳවා ගැනීමට තමාට තියෙන සුදුසුකම් මොනව ද?’

    ‘මම ප්‍රයිවට් බස් එකක කොන්දොස්තර කෙනෙක් විදියට අවුරුදු දහයක් වැඩ කරලා තියෙනවා.’ අයදුම්කරු ප්‍රකාශ කළේය.

    ගන්ඩ ඇවිත්

    එක් ගොවියෙක් වහු පැටවකු මිලදී ගැනීම සඳහා ගියේ තම පුතා සමඟිනි. වහු පැටවා වෙත කිට්ටු වූ ගොවියා ඌගේ හිසේ සිට වල්ගය දක්වා අතගා බැලීය. පිට, බඩ වැනි තැන් හෙමිහිට මිරිකුවේය. කීප තැනකටම තට්ටු කළේය. ළපැත්තට මුහුණ ළං කොට සිඹ බැලීය. අනතුරුව තම තියුණු පරීක්ෂණය දෙස දෑස් අයා බලා සිටි පුතු දෙස බලා මෙසේ කීය.

    ‘පුතේ, සල්ලි දීලා යමක් ගන්ඩ කලින් හොඳට හොයලා බලලා ගන්ඩ ඕනැ.’

    ඊට දින කීපයකට පසු ඔහු කුඹුරේ වැඩ කරමින් සිටියදී පුංචි පුතා හති දමමින් ඔහු වෙත දිව ආවේය.

    ‘තාත්තෙ, තාත්තෙ, අන්න කවුද අයියා කෙනෙක් අපේ අක්කව සල්ලි දීලා ගන්ඩ ඇවිත්.’ පොඩි එකා හති දමමින් කීවේය.

    Read more »
RSS
Gossip Lanka news,Gossip Lanka,Lanka Hot Gossip,Hiru Gossip,Sri Lanka Hot News,Hiru Fm,Sri Lanka Newspapers,Sinhala Teledrama,News
Hiru Gossip,Hiru Fm Online,Hiru Tv
www.hirugossip.net
Sinhala Teledrama
Gossip Lanka